Ümumdünya Səhiyyə Təşkilatının baş direktoru Tedros Adhanom Qebreyesus qurumun Cenevrədə keçirilən illik assambleyasında bildirib ki, COVID-dən daha təhlükəli olan yeni pandemiya təhlükəsi istisna oluna bilməz.
HİT.az "RİA Novosti"yə istinadən xəbər verir ki, baş direktor yeni xəstəlik və ölüm hallarına səbəb ola biləcək COVID variantının təhlükəsini istisna etmir.
"Bundan əlavə, daha ölümcül potensiala malik yeni patogenin ortaya çıxacağı təhlükəsi qalmaqdadır", deyə o bildirib.
Tedros Adhanom Qebreyesus, təhlükəyə kollektiv cavab vermək üçün bütün dünyanı yeni pandemiyaya hazır olmağa çağırıb.
Samir
