Xalq artisti Niyaməddin Musayev illər əvvəl başına gələn bədbəxt hadisədən danışıb. 

"Zaurla Günaydın" proqramına qonaq olan sənətçi bir zamanlar Gəncədə solo konsert verərkən bıçaqlandığını deyib:

"1986-cı ildə solo konsertlərimin birində məni bıçaqlamışdılar. Bir ruhi xəstə idi. Bıçağı güllərin içində gizlətmişdi. Səhnəyə gətirəndə bir neçə dəfə mənə vurdu. Mən də mikrafonla onu vurdum. Sarayın qapısını sındırıb qaçıb getdi. Gördüm məni qan aparır, vəziyyətim yaxşı deyil. Aləm qarışdı bir-birinə. Çıxdım bayıra, gördüm bir maşın var, sürücüyə dedim ki, məni xəstəxanaya apar. Xəstəxanaya çatana qədər ayaqlarımın altında qandan gölməçəyə çevrildi. 14 gündən sonra məni təyyarə ilə Bakıya gətirdilər. 10 dəfə qabırğamı kəsiblər".

<iframe src='//baku.tv/embed/85155' width='560' height='315' frameborder='0' allow='autoplay; encrypted-media' allowfullscreen></iframe>