Səudiyyə Ərəbistanının vəliəhd şahzadəsi Məhəmməd bin Salman ABŞ-ı Ər-Riyad və Vaşinqton arasında münasibətlərə köklü şəkildə yenidən baxacağı ilə hədələyib.
HİT.az xəbər verir ki, hu barədə Amerikanın “The Washington Post” (WP) qəzeti mənbələrə istinadən məlumat yayıb.
Qəzetin mənbələrinə görə, buna səbəb ABŞ prezidenti Co Baydenin Səudiyyə Ərəbistanının neft hasilatını azaltmaq qərarının "nəticələrini gözlədiyi" barədə açıqlamaları olub.
2022-ci ilin oktyabrında Bayden Birləşmiş Ştatlarda keçiriləcək aralıq seçkilər ərəfəsində yüksək enerji qiymətləri fonunda neft hasilatını azaltmaq üçün lobbiləşdirdiyi OPEC+ qərarına görə Səudiyyə Ərəbistanının "bəzi əks-sədalarla" üzləşəcəyi barədə xəbərdarlıq edib. Lakin qəzet qeyd edib ki, ABŞ krallığına qarşı heç bir tədbir görülməyib.
“İctimai məkanda bu sözlərdən sonra Səudiyyə rəsmiləri diplomatik bəyanatların köməyi ilə öz hərəkətlərini müdafiə etdilər. Bununla belə, vəliəhd şahzadə bin Salman özəl olaraq ABŞ-Səudiyyə münasibətlərini kökündən dəyişdirəcəyi və bu cür addım atacağı təqdirdə ABŞ-a əhəmiyyətli iqtisadi ziyan vuracağı ilə hədələyib”, deyə WP daha əvvəl Discord platformasında ortaya çıxan gizli ABŞ kəşfiyyatının sızmasına istinadən xəbər verir.
Ağ Ev sözçüsü WP-yə bildirib ki, Səudiyyə Ərəbistanı tərəfindən ABŞ-a qarşı bu cür təhdidlər barədə "heç nə eşitməyib". ABŞ Milli Təhlükəsizlik Şurası qəzetə bildirib ki, hazırda Vaşinqton və Ər-Riyad fəal əməkdaşlığı davam etdirir və ölkələr arasında münasibətlərdə problemlər barədə xəbərlər etibarsızdır.
17 oktyabr 2022-ci ildə Ağ Ev ABŞ prezidenti Co Baydenin Konqreslə məsləhətləşdikdən sonra Səudiyyə Ərəbistanı ilə bağlı tədbir görə biləcəyini bildirib. Oxşar reaksiya OPEC+-in 2022-ci ilin noyabrında - ABŞ Konqresinə seçkilərdən bir qədər əvvəl neft hasilatını gündəlik 2 milyon barel azaltmaq qərarı zamanı da olub.
Samir
