NATO liderləri Yens Stoltenberqin oktyabrda istefa verməyi planlaşdırdığını açıq şəkildə bildirməsinə baxmayaraq, onun baş katiblik müddətinin uzadılmasına meyllidirlər. 

HİT.az "Financial Times"a istinadən xəbər verir ki, buna səbəb son 9 ildə Alyansa rəhbərlik edən Stoltenberqin potensial varisləri ilə bağlı fikir ayrılıqlarıdır.

Alyansda Stoltenberqin əvəzlənməsinin NATO-nun iyulda Litvada keçiriləcək sammitindən əvvəl razılaşdırılacağına dair bədbinlik artır. Daha əvvəl ictimaiyyətə məlum olan Danimarkanın baş naziri Mette Frederiksenin və Böyük Britaniyanın müdafiə naziri Ben Uollesin namizədlikləri hələ də yekdil dəstək almayıb.

Rəsmilər deyirlər ki, əksər ölkələr, o cümlədən ABŞ, bu vəzifəni indiki və ya keçmiş prezident, yaxud da baş nazirin tutmalı olduğuna inanır. Bundan əlavə, yüksək səviyyədə dəstəyi olan məmur olmalıdır. Bir çox paytaxtlar ilk dəfə qadının baş katib seçilməsi ideyasını dəstəklədiklərini bildiriblər. Digərləri deyirlər ki, o, Şərqi Avropadan namizəd olmalıdır - regionun və orada gedən müharibənin əhəmiyyətini göstərmək üçün.

Stoltenberqin varisi ilə bağlı panel iştirakçıları FT-yə bildiriblər ki, Çin və Rusiyadan Alyansa təhdidlər və yeni baş katib tapmaqda çətinliklər nəzərə alınmaqla, bir çox ölkələr Stoltenberqin mandatının daha bir uzadılmasını (artıq 4-cüdür) qısamüddətli kompromis kimi görürlər. Bu, qərarın gələn ilə, NATO sammitinin Vaşinqtonun ev sahibliyi edəcəyi vaxta qədər təxirə salınmasına kömək edəcək.

Alyansın bir çox üzvləri də Stoltenberqin vəzifədəki fəaliyyətini yüksək qiymətləndirirlər. Alyans ölkələrinin xarici işlər nazirlərindən biri deyib ki, o, “əla baş katib idi və qayığı yelləməyin mənası yoxdur”. Bundan əlavə, onlar qeyd edirlər ki, Stoltenberqin səlahiyyətlərinin uzadılması ona İsveçin NATO-ya qəbulu üzərində işləmək üçün daha çox vaxt verəcək. Hazırda Türkiyənin buna qarşı çıxmağa davam edir.

Samir