Çərşənbə günü Almaniya ölkənin ilk Milli Təhlükəsizlik Strategiyasını dərc edib və burada Rusiyanı özünün və bütün Avro-Atlantik məkanın təhlükəsizliyinə əsas təhdid adlandırıb. Həmçinin Çinlə tərəfdaşlıq münasibətlərini inkişaf etdirmək istəyi elan edilib.

HİT.az "Bloomberg"ə istinadən xəbər verir ki, milli təhlükəsizlik strategiyasında Almaniya hökuməti NATO-nun rəsmi siyasətinin hədəfi kimi hər il orta hesabla istehsalın ən azı 2%-ni müdafiəyə sərf etməyi hədəfləyib.

Sənəddə deyilir: “Bugünkü Rusiya hazırda Avro-Atlantik regionda sülh və təhlükəsizliyə ən ciddi təhdiddir”.

Çinə gəlincə, Almaniya hökuməti "son illərdə rəqabət elementlərinin gücləndiyini" və Pekin hökumətinin "bir çox aktual qlobal problemlərin həll oluna bilməyəcəyi tərəfdaş olaraq qaldığını" qeyd edib 

Qeyd olunur ki, sənədin qəbulundan əvvəl hakim alyansın partiyaları arasında aylarla davam edən mübahisə olub və müxalifətdən olan deputatlar hökuməti partiya siyasətini ölkənin ehtiyaclarından üstün tutmaqda ittiham ediblər.

Olaf Şoltsun ​​SPD partiyasının xarici siyasət sözçüsü Niels Şmid bildirib ki, yeni təhlükəsizlik strategiyası Almaniyanın xarici siyasət məqsəd və prinsiplərini möhkəmləndirmək üçün “əsaslı əsas” verir: "Rusiyanın aqressiv müharibəsi və dünyanın digər bölgələrindəki avtoritar meyllər o deməkdir ki, biz özümüzü daha qətiyyətlə xaricə yönəltməliyik".

Samir