"Real Madrid" PSJ-nin futbolçusu Kilian Mbappenin transferini 1-7 iyul aralığında reallaşdıracaq.
Məlumatı "Twitter" hesabı üzərindən jurnalist Fransua Qallardo yayıb.
Mənbə Mbappenin anası və agenti Fayza Lamarinin, eləcə də ulduz hücumçunun digər təmsilçilərinin Madridə yollanaraq keçidin son detallarını müəyyənləşdirəcəklərini bildirib.
Qeyd edək ki, Mbappe son mövsümdə PSJ forması ilə bütün turnirlərdə 43 matça çıxaraq 41 qol və 10 məhsuldar ötürmə ilə yadda qalıb. Onun Paris klubu ilə müqaviləsinin müddəti 2024-cü ilin yayına qədər nəzərdə tutulub.
