Qroningen Universitetinin Tibb Mərkəzinin alimləri müəyyən ediblər ki, məşhur nəzəriyyənin əksinə olaraq depressiya və narahatlıq xərçəngin əksər növlərinin inkişaf riskinin artması ilə əlaqəli deyil. 

HİT.az xəbər verir ki, bu barədə araşdırmanın nəticələri “Cancer” jurnalında dərc olunub.

Əvvəlki bəzi təcrübələr depressiya, narahatlıq və xərçəng xəstəliyi arasında əlaqəni təsdiqləyirdi. Yeni məqalədə müəlliflər Niderland, Böyük Britaniya, Norveç və Kanadadan olan 300 000-dən çox şəxsin iştirak etdiyi 18 araşdırmanı təhlil ediblər.

Komanda 26 ilə qədər davam edən izləmə müddətində depressiya və ya narahatlıq ilə döş, prostat, kolon və qaraciyər xərçəngləri arasında heç bir əlaqə tapmayıb. Bu şərtlərin ağciyər xərçəngi riskinə təsirini nəzərdən keçirərkən bir əlaqə tapılıb, lakin əhəmiyyətli olmayıb.

“Bizim tapıntılarımız diaqnozlarının əvvəlki narahatlıq və ya depressiya ilə əlaqəli olduğuna inanan bir çox xərçəng xəstəsinə rahatlıq gətirə bilər. Bununla belə, depressiya, narahatlıq və sağlamlıq davranışlarının necə əlaqəli olduğunu dəqiq başa düşmək üçün əlavə araşdırmalara ehtiyac var”, deyə müəlliflər bildirib.

Samir