Norveçin şimalında və Finlandiyada tüğyan edən quş qripi virusu məməlilərdə mutasiya daşıyıcısı taparaq yeni insan pandemiyasına səbəb ola bilər. 

HİT.az xəbər verir ki, bu barədə Finlandiyanın Qida Agentliyinin nümayəndəsi Toni Nieminenə bildirib.

Təşkilatın məlumatına görə, Finlandiyada 21 heyvandarlıq ferması virusa yoluxub. İnfeksiya mənbəyi çöl quşları, xüsusən də qağayılardır. Genom nümunələrinin tədqiqinin nəticələri xəz heyvanlarda bəzi qrip viruslarının mutasiyaya malik olduğunu göstərib ki, bu da virusun məməlilərin yoluxması nəticəsində mutasiyaya uğradığını göstərir.

"Bu məsələ təkcə milli narahatlıq doğurmur. Beynəlxalq səhiyyə orqanları və alimlər də qorxurlar ki, məməlilərin virusa uyğunlaşması, ən pis halda, yeni qrip virusunun insan pandemiyasına səbəb ola bilər", deyə Nieminen bildirib.

Qida Agentliyi iyun ayında H5N1 yüksək patogenli quş qripinin ilk hallarını aşkar edib. Virus təkcə quşlarda deyil, xəz fermalarında da aşkar edilib. Avqustun 1-də səlahiyyətlilər epidemiya ilə mübarizə aparmaq üçün 50 000-ə yaxın xəzli heyvanı, əksəriyyəti minkləri evtanizasiya etmək qərarına gəlib.

Samir