Braun Universitetinin (ABŞ) alimləri müəyyən ediblər ki, uşaqlarda qamma-aminobutirik turşunun (GABA) səviyyəsinin artım sürəti daha yüksəkdir, ona görə də onlar məlumatı böyüklərdən daha yaxşı yadda saxlayırlar. 

HİT.az xəbər verir ki, araşdırmanın nəticələri "Cell Current Biology" jurnalında dərc olunub.

Tədqiqatda 13 uşaq və 14 böyük iştirak edib, alimlər onların beyin fəaliyyəti ilə bağlı məlumat toplayan zaman vizual təlim keçiblər.

GABA mərkəzi sinir sisteminin nörotransmitteridir və öyrənmə prosesini sabitləşdirmək üçün vacibdir. Uşaqlarda məşq zamanı onun miqdarı beynin görmə qabığında artıb. Üstəlik, yüksək səviyyə məşq bitdikdən sonra daha bir saat qalıb. Yetkinlərdə GABA səviyyələri heç bir şəkildə dəyişməyib.

"Sonrakı davranış təcrübələrində biz uşaqların yeni şeyləri böyüklərdən daha sürətli öyrəndiklərini gördük, bu, uşaqların öyrənmə qabiliyyətlərində böyüklərdən daha üstün olduğuna dair ümumi inamla uyğundur", deyə müəlliflər qeyd ediblər.

Alimlər deyirlər ki, kəşf nevroloqların uşaqlarda beyin yetkinliyi haqqında düşüncələrini dəyişə bilər.

Samir