"Onlar Qarabağı və onun xalqını heç vaxt veclərinə almadılar, bu gün də veclərinə almırlar”.

Qaynarinfo xəbər verir ki, bu barədə bloger Natali Aleksanyan öz "Facebook" səhifəsində yazıb.

"Əgər Robert Köçəryanın, Serj Sarkisyanın, Qarabağın "prezidentləri”nin və onların ailələrinin aktivlərini birləşdirsəniz, Ermənistan Respublikasının ən azı üç aktiv ordusu bu məbləğlə təmin edilə bilər. Bunu ona görə yazıram ki, indi "Artsax” deyə qışqıran ictimai şivənçilərin sponsorlarının Qarabağı müdafiə etmək üçün hansı imkanları olduğunu anlayaq.

Bilirsinizmi niyə Qarabağı müdafiə etmədilər? Çünki onlara Qarabağ lazım deyildi. Qarabağ onların vətənidir, onlar Qarabağdandırlar, amma Qarabağı və onun xalqını heç vaxt veclərinə almadılar və bu gün də veclərinə almırlar. Qarabağ onlara yalnız bir şey üçün lazım idi - Ermənistan xalqını öz iradəsinə tabe etmək, Ermənistanın əmlakını ruslara vermək, erməniləri aşağılamaq və soymaq.

Bu gün onlar yenə də İrəvan küçələrini çarəsiz insanlarla doldururlar, onların küçükləri isə sosial şəbəkələrdə Qarabağı "xilas edir". Onların kiminsə xalqa təqdim etdiyi plan varmı, bu demokratik ölkədə birbaşa xalqa danışan varmı? Yox! Çünki Ermənistan xalqı da Qarabağ erməniləri kimi onları ancaq soyğunçuluq məqsədi ilə maraqlandırır. Bu gün isə Qarabağda başı bəlaya düşən soydaşlarımızı əsas gətirərək İrəvan küçələrində qənimətlərini xilas etməyə çalışırlar.

Əgər tərəzinin bir tərəfinə Qarabağı, digər tərəfinə isə onların əmlakını qoysaq, sizcə hansı tərəf ağır olacaq? Təbii ki, onların əmlakı olan gözü. Onlar üçün puldan başqa müqəddəs bir şey yoxdur və buna Qarabağ erməniləri də şahiddir.

Amma hər kəsə xüsusi xəbərdarlıq etmək istəyirəm ki, Qarabağı diqqətsiz qoymayacağam. Məni ancaq Qarabağ ermənilərinin gələcəyi maraqlandırır. Qarabağın keçmiş liderləri öz marionet bloggerlərinin köməyi ilə bu gələcəyi şübhə altına almağa çalışırlar. Amma mən Natali Aleksanyan söz verirəm ki, onlar uğur qazanmayacaqlar. Qarabağ erməniləri öz torpaqlarında yaşayacaqlar və heç kim, eşidirsiniz, buna heç kim mane ola bilməz. Heç kim məni dayandıra bilməz.

Sonda bugünkü mitinq iştirakçılarının üzünə açıq tüpürmək istəyirəm. Siz abort qurbanısınız və sayılı günləriniz qalıb.

P.S: Demək istəyirəm ki, Nikol, sən hamıdan üstün oldun, sadə bir ifadə ilə hamıdan üstün oldun: "Mən demokratam”. Və siz yaxşı bilirdiniz ki, 30 il beyinləri zorlanmış ermənilər heç demokratiyanın nə olduğunu başa düşməyəcəklər. İndi qışqır ki, demokratsan və bütün həqiqəti de, bildiyin hər şeyi danış, o zaman bəlkə səni xilas edərlər”, deyə Aleksanyan yazır.