Elm adamları qısa idmanın infarkt, insult və digər xəstəliklərin riskini azalda biləcəyini təsdiqləyiblər. 

HİT.az xəbər verir ki, Avstraliya və Böyük Britaniya alimlərinin bununla bağlı araşdırmasının nəticələri "The Lancet Public Health" jurnalında dərc olunub.

Tədqiqatçılar 25 mindən çox insanın fitnes izləyicilərinin məlumatlarını öyrəniblər.

"Bizim tapıntılarımız, adətən asudə vaxtlarında məşqlə məşğul olmayan böyüklər arasında uzunömürlülüyü və ürək-damar sağlamlığını yaxşılaşdırmaq üçün məşq etmədən orta-güclü intensivlikli fiziki fəaliyyətin qısa fasilələrlə təşviqini dəstəkləyir", deyə məqalədə qeyd edilir.

Alimlər qeyd edirlər ki, əksər yetkinlər üçün gündə 10 dəqiqədən az davam edən orta-güclü fasiləli fiziki fəaliyyətin daha uzun müddətə planlaşdırılmış fiziki fəaliyyət və strukturlaşdırılmış məşqdən daha faydalı ola bilər.

Əvvəllər Tulane Universitetinin alimləri müəyyən etmişdilər ki, gündə 50 pillədən çox pilləkən qalxmaq ürək-damar xəstəlikləri riskini 20% azalda bilər.

Samir