"Beyin orqanizmdə ən çox enerji tələb edən orqanlardan biridir və düzgün və müxtəlif qidalanma beyin fəaliyyətinin stimullaşdırılmasında mühüm rol oynayır".

HİT.az xəbər verir ki, bunu endokrinoloq Daria Bedenau hansı məhsulların beyin fəaliyyətini ən yaxşı stimullaşdırması barədə danışarkən deyib.

“Xüsusən bunlar balıq, qoz-fındıq və kətan toxumlarından əldə edilə bilən omeqa-3 yağ turşularıdır. Bu məhsulların istehlakı beyin fəaliyyətinə, yaddaşa və informasiyanın mənimsənilməsinə müsbət təsir göstərir. Bundan əlavə, sinir sisteminin və beynin fəaliyyətinin təmin edilməsində mühüm rol oynayan B12 vitamininin kifayət qədər tədarükünü təmin etmək vacibdir. Onu ət, yumurta və süd məhsullarından almaq olar. Beyin sağlamlığı üçün digər vacib element müəyyən meyvə və tərəvəzlərdə, giləmeyvə və qoz-fındıqda olan antioksidantlardır”, deyə Badenau bildirib.

Həkim qeyd edib ki, düzgün qidalanma beyin fəaliyyətini stimullaşdırmaq üçün sağlam həyat tərzinin digər aspektlərini istisna etmək demək deyil:

“Onlardan biri də müntəzəm fiziki fəaliyyətdir. Tədqiqatlar göstərir ki, məşq bütün bədəndə, o cümlədən beyində qan dövranını artırır ki, bu da idrak funksiyasını yaxşılaşdırır. Ümumdünya Səhiyyə Təşkilatı həftədə ən azı 150 dəqiqə fiziki fəaliyyətlə məşğul olmağı tövsiyə edir".

Onun sözlərinə görə, həyat boyu beyin fəaliyyətini saxlamaq və təkmilləşdirmək üçün təkcə düzgün yemək deyil, həm də fiziki fəaliyyətin lazımi səviyyədə saxlanması vacibdir:

“Müəyyən bir məhsul böyük miqdarda məlumatı yadda saxlamağa, yeni bir peşə öyrənməyə və ya imtahandan keçməyə kömək etməyəcək. Pəhrizinizdə müxtəlifliyin olması vacibdir ki, beyniniz daha yaxşı işləsin".

Samir