Xalq artisti, Opera və Balet Teatrının Baş dirijoru Cavanşir Cəfərovun 70 illik yubileyi keçiriləcək.

Hit.az xəbər verir ki, yubiley noyabrın 5-fə Bakı Musiqi Akademiyası nəzdində Opera Studiyasının Konsert salonunda baş tutacaq.

Tədbirdə Opera və Balet Teatrının aparıcı solistləri -  Xalq artistləri Samir Cəfərov, Gülnaz İsmayılova, Əməkdar artistlər Afaq Abbasova, Səbinə Əsədova, Fəridə Məmmədova, Azər Rza, İlahə Əfəndiyeva,  Fərid Əliyev, solistlər Fatimə Cəfərzadə, Adil Axundov, Yefim Zavalnı, Nina Makarova, Mahir Tağızadə və teatrın xor kollektivi çıxış edəcək. Gecədə teatrın simfonik orkestri muşayiəti ilə baş tutacaq konsert proqramında C.Verdi, C.Puççini,  C.Rossini, P.Maskanyi, İ.Ştraus  və digər bəstəkarların əsərləri səsləndiriləcək.

Cavanşir Cəfərovun yubiley gecəsinin biletlərinin qiyməti 11-16 manat arasındadır.

Azra