"Azərbaycanda mina qurbanları əsas olaraq mülki şəxslərdir. Demək olar ki, hər həftə daha bir ölümcül və qanlı mina partlayışının şahidi oluruq".
HİT.az xəbər verir ki, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "X" hesabında paylaşımında qeyd edib.
Onun sözlərinə görə, Azərbaycanda 2020-ci il noyabrın 10-dan cari ilin noyabrın 3-nə qədər qədər 50 mülki şəxs mina partlaması nəticəsində həlak olub, daha 107 nəfər isə yaralanıb. Bununla yanaşı, bu dövr ərzində 15 hərbçi mina partlayışı nəticəsində həlak olub, 164-ü isə xəsarət alıb.
"1991-ci ildən indiki dövrə qədər Azərbaycanda 3415 nəfər mina qurbanı olub. Onlar arasında 357 uşaq və yeniyetmə, 38 qadın var", deyə məlumatda qeyd olunub.
Xarici İşlər Nazirliyi isə "X" sosial şəbəkəsində mina partlayışı nəticəsində 24 yaşlı gəncin ayağı amputasiya olunması barədə məlumat yayıb.
Nazirlik bildirib ki, Ermənistanın yerləşdirdiyi minalar Azərbaycan vətəndaşlarını öldürməkdə və onlara xəsarət yetirməkdə davam edir.
"Münaqişə başa çatdıqdan sonra 336 azərbaycanlı mina qurbanı olub. Bu təhlükəni aradan qaldırmaq üçün təcili tədbirlər görülməlidir", deyə paylaşımda qeyd olunub.
Armenian-planted-landmines continue to kill and maim ??is.
— MFA Azerbaijan ?? (@AzerbaijanMFA) November 3, 2023
As a result of landmine explosion in Tartar a leg of one 24 years old civilian was amputated.
Since the end of the conflict 3️⃣3️⃣6️⃣ Azerbaijanis became victims.
Urgent measures should be taken to eradicate this threat. pic.twitter.com/4U48ZTtgAg
