Orta yaşda visseral yağ beyində iltihabı artırır, Altsheymer xəstəliyi riskini artırır. 

HİT.az xəbər verir ki, bunu Şimali Amerika Radiologiya Cəmiyyətinin (RSNA) illik toplantısında təqdim olunan araşdırma göstərib.

Alimlər 40-60 yaş arası 54 iştirakçının məlumatlarını təhlil ediblər. Orta bədən kütləsi indeksi (BMI) 32 olub. 24,9-a qədər olan BKİ, insanın artıq çəki və ya obez olmadığını göstərir. Subkutan və visseral yağların həcmi MRT vasitəsilə ölçülüb. Həmçinin 32 xəstədə kortikal qalınlığı və amiloid lövhələrinin və tau zülallarının, Altsheymer xəstəliyi ilə əlaqəli strukturların mövcudluğunu qiymətləndirmək üçün MRT və PET taramalarından istifadə edilib.

Daha yüksək visseral və dərialtı yağ nisbəti, xüsusilə kişilərdə amiloid zülallarının daha çox yığılması ilə əlaqələndirilib. Onlar həmçinin beyində iltihabın səviyyəsini artırıb. Beyindəki bu dəyişikliklər orta hesabla, Altsheymer xəstəliyində yaddaş itkisinin ilk əlamətləri görünməzdən 50-15 il əvvəl baş verir.

Qarın orqanlarını əhatə edən visseral yağ demansın qarşısının alınması üçün hədəf ola bilər. Bundan əlavə, tədqiqat piylənmənin qarşısının alınmasının və gənclər də daxil olmaqla aktiv həyat tərzinin vacibliyini vurğulayır.

Samir