Cazibədar kişilər işdə qadınlardan daha uğurlu olur - Alimlər

MARAQLI
22:47 / 23.11.2023
400

Polşa Elmlər Akademiyasının tədqiqatçıları müəyyən ediblər ki, yeniyetmə yaşlarında yaraşıqlı hesab edilən insanlar 30 yaşına çatdıqda valideynlərini geridə qoyurlar. Bundan əlavə, cazibədar kişilər işdə qadınlardan daha uğurlu olurlar. 

HİT.az xəbər verir ki, alimləerin işinin nəticəsi "Add Health" jurnalında dərc olunub.

Araşdırmada 20 yaşdan yuxarı 11 mindən çox şəxs iştirak edib. Tədqiqatçılar onların təhsili, məşğulluğu, maaşları və karyera nailiyyətləri haqqında məlumat toplayıblar. Bundan əlavə, iştirakçılar yeniyetməlik dövründə fiziki cəhətdən cəlbedici hesab edilib-edilmədiklərini bildiriblər. Tədqiqatçılar xarici görünüşün yüksək qiymətləndirilməsi ilə iştirakçıların işdəki performansı arasında əlaqəni müəyyən etməyə çalışıblar.

Məlum olub ki, 15 yaşında gözəl hesab edilən kişi və qadınların 30 yaşında valideynlərindən daha çox gəlir əldə ediblər. Elm adamları işəgötürənlərin cəlbedici insanları daha ağıllı, istedadlı və etibarlı kimi qəbul etmələrini təklif edirlər. 

Tədqiqatçılar həmçinin qeyd ediblər ki, əksəriyyətin gözəllik ideyasına uyğun gələn kişilər işdə qadınlardan daha böyük uğur qazanıblar - onlar daha perspektivli vəzifələr tutublar və yüksək maaşlar alıblar.

Samir

0