Qəzzalılar arasında İsrailin hərbi əməliyyatı fonunda HƏMAS rəhbərliyindən narazılıqlar artır. 

HİT.az xəbər verir ki, bu barədə "Bloomberg" məlumat yayıb.

Nümunə olaraq, bir nəfərin özünü HƏMAS hökumətinin keçmiş rabitə və tikinti naziri Yusif Mahmud Həməd əl-Mansi kimi təqdim etdiyi video verilir. O, təşkilatın rəhbəri Yəhya Sinvarın Qəzzanın dağıdılmasında İsraili günahlandıran və Sinvarın əslində məsuliyyət daşıdığını söyləyən videoya cavab verib.

Bundan əlavə, "Bloomberg" Qəzza zolağı sakinlərinin nəşrlərə və Fələstin nümayəndələrinin bölgədəki humanitar fəlakətdə HƏMAS rəhbərliyini günahlandırdığı telefon müsahibələrinə istinad edir.

Oktyabrın 7-də HƏMAS İsrailə böyük raket zərbəsi endirib və "Əl-Əqsa tufanı" əməliyyatını elan edib. Hücum çərçivəsində minlərlə yaraqlı yəhudi dövlətinin ərazisinə daxil olub, hərbi texnikanı ələ keçirib və iki yüzdən çox insanı əsir götürüb. Buna cavab olaraq İsrail Qəzza zolağında HƏMAS-ı məhv edəcəyinə söz verərək "Dəmir Qılınclar" əməliyyatına başlayıb. Yəhudi dövlətinin hərəkətləri Fələstin anklavının blokadasına, kütləvi bombardmanlara və 1 milyondan çox insanın bölgənin cənubuna köçürülməsi tələbinə səbəb olub.

Noyabrın 22-də İsrail Qəzza zolağında saxlanılan girovları azad etmək üçün HƏMAS ilə razılaşmanı təsdiqləyib. Razılaşmaya əsasən, dörd günlük atəşkəs elan ediləcək və bu müddət ərzində HƏMAS 50 qadın və uşağı azad edilib. Bundan əlavə, Qırmızı Xaç nümayəndələrinə lazımi tibbi yardım göstərmək üçün qalan girovlara baş çəkməyə icazə verilib. Tərəflərin atəşkəsi noyabrın 24-də işə başlayıb, lakin dekabrın 1-də HƏMAS tərəfindən girovların azad edilməsi şərtlərinə əməl edilməməsi səbəbindən İsrail tərəfindən kəsilib.

Samir