"Avropa İttifaqı müharibələrin qarşısını alacaq və sülhü qoruyacaq öz silahlı qüvvələrini yaratmalıdır".

HİT.Az xəbər verir ki, bu barədə İtaliyanın baş nazirinin müavini və xarici işlər naziri Antonio Tacani "La Stampa" nəşrinə müsahibəsində bildirib.

"Əgər biz dünya sülhünün daşıyıcısı olmaq istəyiriksə, Avropa ordusuna ehtiyacımız var. Bu, effektiv Avropa xarici siyasətinin aparılması üçün əsas şərtdir", deyə siyasətçi hesab edir.

Antonio Tacaninin fikrincə, Yaxın Şərqdən Hind-Sakit Okean regionuna qədər geniş ərazini əhatə edən çoxsaylı böhranların yaşandığı dünyada Avropa ölkələri üçün ortaq ordu konkret fakta ​​çevrilməlidir.

Aİ-nin öz ordusunu yaratması ilə bağlı müzakirələr artıq bir neçə ildir ki, Alyansda dolaşır. Məsələn, 2022-ci ilin yazında Avropa diplomatiyasının rəhbəri Cozep Borrell Avropa silahlı qüvvələrinin formalaşdırılmasının zəruriliyindən danışmışdı.

Samir