Polşanın Poznan Tibb Universitetinin tədqiqatçıları müəyyən ediblər ki, veqan fastfud yeməkləri ət analoqları ilə təxminən eyni miqdarda kalori ehtiva edir. Bundan əlavə, bitki əsaslı alternativlər tez-tez daha az protein və daha çox karbohidrat daşıyır. 

HİT.az xəbər verir ki, araşdırmanın nəticələri "Nutrition" jurnalında dərc olunub.

Tədqiqatçılar beş ölkədə (Böyük Britaniya da daxil olmaqla) 50 fastfud şəbəkəsindən sendviç, salat, əriştə və pizza kimi cəmi 1868 məhsulu (ət və vegan) təhlil ediblər. Tədqiq olunan restoran və qəhvələrə "Wagamamas", "Pret", "Pizza Express", "Leon" və "Burger King" daxildir.

Komanda hər yeməkdə kalori, allergen, qida maddələri, lif və duz haqqında məlumat toplayıb. Nəticələr bitki əsaslı yeməklərin daha az protein və natrium ehtiva etdiyini göstərib. Bundan əlavə, veqan ət alternativləri təbii ət seçimləri ilə müqayisədə karbohidrat və şəkər daha yüksək olub.

Tədqiqatçılar qeyd edib ki, veqan məhsullarının istehlakı tez-tez istehsalçılar tərəfindən sağlamlığı yaxşılaşdırmaq və artıq çəkidən xilas olmaq üçün bir yol kimi göstərilir. Bununla belə, bitki mənşəli alternativlərin və təbii ətlərin oxşar kalorili məzmununu nəzərə alsaq, bu ifadə tamamilə doğru olmaya bilər. Alimlər vurğulayıblar ki, onların araşdırması veqan qidaların həmişə daha sağlam olması mifi təkzib edir.

Samir