Beynəlxalq jurnalist və politoloq Oleq Yasinski Tsargrad.tv ilə söhbətində Ekvadorda baş verən iğtişaşları şərh edib. 

HİT.az xəbər verir ki, onun fikrincə, yerli narkokartellərin gəliri bütün dövlətin gəlirindən yüksək olduğu üçün ölkənin hazırkı rəhbərliyinin nizam-intizamı bərpa edəcəyini vəd edən bəyanatlarına fikir verməmək lazımdır.

"Kartelin qeyri-məhdud gəlir mənbəyi var. Kartellər ABŞ-da yerləşən mərkəzlərin maraqlarına tabedirlər, çünki Latın Amerikasında narkotik ticarətinə məhz ABŞ nəzarət edir və bu, siyasi və hərbi müdaxilənin daimi səbəbi kimi onlar üçün faydalıdır", deyə Yasinski qeyd edib.

Onun proqnozlarına görə, ölkə hakimiyyəti hansısa yolla kartellərlə anlaşacaq və onların maraqlarını nəzərə alacaq. "Bununla belə, çətin ki, kimsə tərəflərin hansı müqavilə bağlayacağını bilsin", deyə jurnalist yekunlaşdırıb.

Bir gün əvvəl Ekvadorda mafiya və asayiş qüvvələri arasında toqquşma səbəbindən daxili silahlı münaqişə rejimi tətbiq edilib. Qruplar artıq ölkə boyu çox sayda insanı girov götürüblər. Şəhər küçələrində zirehli texnika və əsgərlər peyda olub, bu vəziyyət bütün qitə üçün problem adlandırılır.

Samir