Tayvanın mülkiyyəti məsələsi Çin Xalq Respublikası ilə Amerika Birləşmiş Ştatları arasında münasibətlərdə Vaşinqtonun keçməməli olduğu qırmızı xəttlə qeyd olunur. 

HİT.az xəbər verir ki, bu barədə Çin Xarici İşlər Nazirliyinin rəsmi nümayəndəsi Mao Ninq bildirib.

"Tayvan məsələsi Çinin əsas maraqlarının ən mühümüdür və Çin-ABŞ münasibətlərində keçilməməsi lazım olan ilk qırmızı xəttdir", deyə XİN rəsmisi bildirib.

Diplomat vurğulayıb ki, ABŞ Tayvanda seçkilərə müdaxilənin yolverilməzliyi ilə bağlı tələsik bəyanatlar verir. Mao Ninqin sözlərinə görə, Çin tərəfi bununla bağlı kəskin narazılığını bildirir və qətiyyətlə buna qarşı çıxır.

Bundan əvvəl "Reuters" agentliyi ABŞ prezidenti Co Bayden administrasiyasının yüksək vəzifəli məmuruna istinadən xəbər vermişdi ki, Birləşmiş Ştatlar Tayvanda qarşıdan gələn prezident və parlament seçkilərinə hər hansı müdaxilə və ya təsirə qarşı olduğuna dair Çinə açıq siqnal göndərib. Bundan başqa Co Baydenin seçkidən dərhal sonra adaya nümayəndə heyəti göndərəcəyi elan edilib.

Samir