Ukrayna rəsmiləri ABŞ-ın keçmiş prezidenti Donald Tramp, eləcə də ABŞ Nümayəndələr Palatasının spikeri Mayk Consonla əlaqə saxlaya bilmir. 

HİT.az xəbər verir ki, bu barədə "Politico" qəzeti Volodimir Zelenski administrasiyasına yaxın mənbəyə istinadən məlumat yayıb.

Nəşrin mənbəsinin sözlərinə görə, Ukrayna hakimiyyətinin nümayəndələri ilə Tramp və Consonun nümayəndələri arasında stabil əlaqə yaradılmayıb. Kiyev rəsmilərin ştatların keçmiş prezidentinin və Nümayəndələr Palatasının sədrinin bilərəkdən Ukrayna rəsmiləri ilə əlaqə saxlamaqdan yayındığından şübhələnirlər.

"İştirakın olmaması qəsdən görünür, lakin seçkidən sonra dəyişə bilər. Bir sözlə, mənim başa düşdüyüm belədir: Ukrayna çalışır, Tramp və Conson qaçır", deyə mənbə bildirib.

Qeyd edək ki, bu həftənin əvvəlində Donald Tramp Ayova ştatında Respublikaçılar Partiyasının kokusunda rəqiblərinə qalib gəlib. Səsvermənin nəticələrinə görə, Tramp respublikaçıların 51%-ni, onun ən yaxın rəqibləri Florida qubernatoru Ron DeSantis və Cənubi Karolinanın keçmiş rəhbəri Nikki Heyli isə müvafiq olaraq 21,2% və 19,1%-ni toplayıb. Dördüncü prezidentliyə namizəd Vivek Ramasvami səslərin 7%-dən bir qədər çoxunu toplayıb və yarışı tərk etdiyini, Trampı dəstəkləyəcəyini açıqlayıb.

Samir