ABŞ ölkənin Venesuela ilə Essequibo bölgəsinin mülkiyyətinə dair ərazi mübahisəsi səbəbindən Qayanaya hərbi yardımın həcmini təcili olaraq artırmaq qərarına gəlib. 

HİT.az xəbər verir ki, bu barədə "Fox News" məlumat yayıb.

Nəşr qeyd edib ki, bu münasibətlə prezidentin milli təhlükəsizlik üzrə köməkçisinin baş müavini Con Finer və Qərb yarımkürəsi məsələləri üzrə baş direktor Xuan Qonzales görüşüblər. Həmkarlar ölkənin silahlanması ilə bağlı fikir mübadiləsi aparıblar.

Finer ölkələr arasında əməkdaşlığın sırf müdafiə xarakterli olduğunu bildirib. O əlavə edib ki, Birləşmiş Ştatlar xarici təhlükə zamanı Qayananın ərazi bütövlüyünü müdafiə edə bilməsini istəyir.

Jurnalistlər qeyd ediblər ki, hərbi yardım barədə qərar Senatda Ukraynaya yardımla bağlı səsvermə ərəfəsində verilib.

Finer qeyd edib ki, Vaşinqton 2023-cü ildə mübahisəli Essequibo bölgəsinin Venesuelaya məxsus olduğunu bəyan edən Venesuela prezidenti Nikolas Maduronun bəyanatlarına eyham vuraraq, dövlətlərin başqa ölkəyə qarşı güc tətbiqi ilə bağlı təhdidləri və istənilən bəyanatını pisləyir. Eyni zamanda, de-fakto bu bölgə Qayananın bir hissəsidir.

Samir