Litvanın keçmiş xarici işlər naziri, ölkənin İsveçdəki hazırkı səfiri Linas Linkeviçius Rusiyadan NATO ölkələrinə təhlükə yaranacağı təqdirdə Kalininqradın "zərərsizləşdiriləcəyi"ni bildirib. 

HİT.az xəbər verir ki, o, bu barədə X sosial şəbəkəsindəki səhifəsində İsveçin Şimali Atlantika Alyansına daxil olmasını şərh edərkən yazıb.

"İsveç Alyansa qoşulduqdan sonra Baltik dənizi NATO-ya daxil oldu. Əgər Rusiya Şimali Atlantika Alyansına meydan oxumağa cəsarət etsə, ilk növbədə Kalininqrad "zərərsizləşdiriləcək", deyə Linkeviçius qeyd edib.

Onun sözlərinə görə, Rusiyaya qarşı onun NATO tərəfindən mühasirəyə alınması ilə bağlı saxta ittihamlar artıq reallığa çevrilib.

Bundan əvvəl İsveçin baş naziri Ulf Kristersson Rusiyanın Stokholmun NATO-ya üzv olmasını istəməyəcəyini təklif etmişdi: "Əminliklə gözləyə biləcəyimiz yeganə şey İsveçin NATO-ya üzv olmasının onların xoşuna gəlməyəcəyidir. Onlar həmçinin Finlandiyanın NATO-ya üzv olmasını xoşlamırdılar".

Onun fikrincə, Rusiyanın NATO-nun genişlənməsini məhdudlaşdırmaq ambisiyaları əks nəticə verib.

Samir