San-Fransiskodakı Kaliforniya Universitetinin alimləri mədəaltı vəzi xərçəngi hallarının təxminən yarısından məsul olan K-Ras G12D adlı mutasiyanı yatıra bilən dərman hazırlayıblar. 

HİT.az xəbər verir ki, onlar tədqiqatlarının nəticələrini "Nature Chemical Biology" jurnalında paylaşıblar.

Alimlər qeyd ediblər ki, mədəaltı vəzi xərçəngi digərlərinə nisbətən daha az rast gəlinir və bu, effektiv müalicə variantlarının kifayət qədər seçilməməsinin dolayı səbəbidir. Bu bilik boşluğunu doldurmaq üçün tədqiqatçılar siçanlar üzərində çoxsaylı təcrübələr aparıblar. Onlar mədəaltı vəzi xərçənginin bütün hallarının demək olar ki, yarısına səbəb olan K-Ras G12D mutasiyasını yatıra bilən prototip dərman hazırlaya biliblər.

Tədqiqatçılar K-Ras növlərinin mədəaltı vəzi xərçəngində son dərəcə yaygın olduğunu və 90% hallarda meydana gəldiyini izah ediblər. Bu K-Ras mutasiyalarının təxminən yarısı G12D-dir ki, bu da əksər digərlərindən bir amin turşusu dəyişikliyi ilə fərqlənir. Bu fərq sağlam və xərçəngə səbəb olan zülallar arasında əsasdır, çünki amin turşularının dəyişdirilməsi qlisini aspartata çevirir.

Alimlərin fikrincə, hazırda dünyada xərçəng yaradan aspartat və qlisin arasındakı fərqi aşkar edə bilən və sağlam olanlara təsir etmədən yalnız şiş hüceyrələrinə təsir edən çox az dərman var. Yeni preparatın molekulları qlisin zülallarını toxunulmaz saxlayaraq aspartata bağlana, onu əhatə edə və aradan qaldıra bilir. Dərmanın laboratoriya siçanlarına tətbiqi G12D-müsbət pankreas xərçəngində şiş böyüməsinin əhəmiyyətli dərəcədə yavaşlamasına kömək edib.

Alimlər indi molekulu insan orqanizmində xərçənglə mübarizə aparmaq üçün kifayət qədər güclü olmaq üçün optimallaşdırırlar. Elmi işin müəlliflərinin fikrincə, apardıqları tədqiqatın nəticələri sayəsində mədəaltı vəzi xərçənginin yeni müalicəsi iki-üç ildən sonra klinik sınaqdan keçirilməyə başlaya bilər.

Samir