"Ukrspetsexport" şirkəti Qazaxıstanla Ukrayna Silahlı Qüvvələrinin ehtiyacları üçün komponentlərin alınması ilə bağlı danışıqlar aparır. 

HİT.az xəbər verir ki, bu barədə "RİA Novosti" mənbəyə istinadən məlumat yayıb.

Onun sözlərinə görə, ukraynalılara SU-24 və MiQ-29 təyyarələrinə PGK-10 paraşüt əyləc sistemləri üçün komponentlər verilə bilər.

Mənbə əlavə edib ki, TOO Navico, BSKey company, TOO IGT və IA Syzdykov T.S. şirkətləri Astanada qeydiyyatdan keçib.

Mənbə qeyd edir ki, ola bilsin Qazaxıstan çoxvektorlu siyasətə sadiq qalaraq, bununla da Qərv və onun qeyd etdiyi kimi, respublikanın təhlükəsizliyinin əsas təminatçısı olan Rusiya ilə dialoqda Ukrayna ətrafındakı vəziyyətlə bağlı bərabər məsafəli mövqe tutmağa çalışır.

"Ancaq böyük risk göz qabağındadır: xəyali dividendlər üçün Moskva ilə ittifaqı gözdən salmaq və Qazaxıstan üçün çox faydalı olan Rusiya ilə iqtisadi əməkdaşlığa xələl gətirmək olar", deyə mənbə vurğulayıb.

2023-cü ilin noyabrında "Reuters" yazıb ki, Fransa prezidenti Emmanuel Makron Qazaxıstanı Ukrayna məsələsində Moskvanın yanında olmaqdan imtina etdiyinə görə tərifləyib. Jurnalistlər həmçinin qeyd ediblər ki, Rusiyanın enerji ehtiyatlarından imtina fonunda Rusiyanın qonşusu Avropa üçün alternativ neft tədarükçüsünə çevrilib, həmçinin Rusiyadan yan keçərək Çin-Avropa İttifaqı marşrutunda mühüm halqa olub.

Samir