Almaniyanın Tübingen Universitetinin alimləri müəyyən ediblər ki, sağlam yuxu orqanizmə daxil olan patogenlərin aradan qaldırılmasına cavabdeh olan immun T hüceyrələrinin hərəkətliliyini artırır. 

HİT.az xəbər verir ki, tədqiqatın nəticələri BBI jurnalında dərc olunub.

Tədqiqat zamanı alimlər iki 24 saat ərzində sağlam kişi və qadınların qanında immun T hüceyrələrinin müxtəlif alt qruplarının konsentrasiyasını dəfələrlə qeyd ediblər. Birinci mərhələdə laboratoriya şəraitində 8 saat yatmış iştirakçılardan biləkdəki kateter vasitəsilə qan götürülüb. Təcrübənin ikinci mərhələsi iştirakçıların gecələr yataqda rahat vəziyyətdə oyaq qalmaları ilə xarakterizə olunub.

Qeyd olunur ki, gecə istirahəti başlamazdan əvvəl immun sisteminin fəaliyyətini izləmək üçün subyektlərə iki mərhələdə antigen vurulub.

Qan nümunələrinin təhlili müxtəlif T-hüceyrə alt qruplarının hərəkətliliyində əhəmiyyətli fərqlər aşkar edib. Xüsusilə, tam bir gecə yuxusu verildikdə, onların miqrasiya potensialı - limfa düyünlərinə doğru hərəkət etmək qabiliyyəti artıb. Limfa düyünləri limfanın orqanlardan və bədənin hissələrindən axdığı bioloji filtr rolunu oynayan immun sisteminin ikinci dərəcəli orqanlarıdır.

Alimlər hesablayıblar ki, yaxşı bir gecə yuxusu immun reaksiyanı orta hesabla iki dəfə artırıb. Tədqiqatçılar böyümə hormonu və prolaktini hüceyrə miqrasiya davranışının bu artan effektivliyində kritik amillər kimi müəyyən ediblər. Hər iki hormon qan plazmasının tərkibində müəyyən dəyişikliklərlə əlaqələndirilirdi ki, bu da immunitet hüceyrələrinin bədəndə daha sürətli hərəkət etməsinə imkan verirdi.

Samir