Moldova prezidenti Maya Sandu parlamenti ölkənin Avropa İttifaqına (Aİ) daxil olması ilə bağlı referendumun keçirilməsi təşəbbüsü ilə çıxış etməyə çağırıb. 

HİT.az xəbər verir ki, bu barədə "Sputnik Moldova" məlumat yayıb.

Onun sözlərinə görə, Kişinyovun Avropaya inteqrasiyası məqsədi Konstitusiyada təsbit edilən kimi Moldova Respublikasının bütün siyasi təbəqəsi ona hörmət etməyə borclu olacaq.

2023-cü il dekabrın 24-də Moldova prezidenti Maya Sandu respublikanın Avropa İttifaqına daxil olması ilə bağlı vətəndaşların rəyini öyrənmək üçün referendum təşkil etmək təklifi ilə ölkə parlamentinə müraciət edib.

2023-cü ilin sonunda parlament üzvləri Seçki Məcəlləsinə dəyişiklikləri təsdiqləyib ki, ona görə də parlament və prezident seçkiləri günü referendum keçirilə bilər.

Daha sonra Moldova parlamentinin spikeri İqor Qrosu Kişinyovun 2030-cu ilə qədər Avropa İttifaqına (Aİ) üzv ola biləcəyini bildirib. Onun sözlərinə görə, Moldovada, Ukraynada və bütün Avropada sürətlənmiş dinamika var - hadisələr çox sürətlə inkişaf edir, 10 il əvvəl belə deyildi.

Samir