Almaniya hökuməti nümayəndəsinin müavini Kristian Hofman bildirib ki, hökumət Rusiya lideri Vladimir Putinlə ünsiyyətə hazırdır, lakin onu prezident seçkilərində qələbəsi münasibətilə təbrik etməyəcək. 

HİT.az xəbər verir ki, bu barədə "RİA Novosti" məlumat yayıb.

"Putinlə danışmaq faydalı olarsa, ümumi istəyimiz var, lakin hazırda bu planlaşdırılmır", deyə o bildirib.

Onun sözlərinə görə, Almaniya martın 15-17-də Rusiya Federasiyasında keçirilən prezident seçkilərini legitim hesab etməyəcək və Putini qələbəsi münasibətilə təbrik etməyəcək.

Bundan əvvəl Kremlin sözçüsü Dmitri Peskov Rusiya Federasiyasında keçirilən prezident seçkilərinin nəticələrinin tanınmaması çağırışlarını absurd adlandırıb. Peskovun sözlərinə görə, Qərb ölkələrini seçkilərin legitimliyini tanımamağa çağıran həmin müxalifətçilər Rusiya əhalisinin böyük əksəriyyətinin səslərinin legitimliyini tanımamağı təklif edirlər. Peskov həmçinin ABŞ-ın Rusiya prezident seçkilərinin vicdansızlığı ilə bağlı bəyanatlarını proqnozlaşdırıla bilən adlandırıb.

Samir