"Gürcüstanın baş naziri İrakli Kobaxidze qəsdən dezinformasiya ilə məşğuldur".

HİT.az xəbər verir ki, bunu müxalifətçi deputat Anna Natsvlişvili deyib.

O, Nazirlər Kabineti sədrinin Avropa komissarının mayın əvvəlində sui-qəsd cəhdindən sağ çıxan Slovakiya hökumətinin başçısı Robert Fikonun taleyinin təkrarlana biləcəyi ilə bağlı ona eyham vurması ilə bağlı sözlərinə belə münasibət bildirib.

"Kobaxidzenin etdiyi şey Kreml tərəfindən yazılmış, strukturlaşdırılmış, məqsədyönlü, düşünülmüş dezinformasiyadır. O, Kremlin təbliğatçısıdır və seçkilər vasitəsilə hakimiyyətlə vidalaşmalı olacaq", Natsvlişvili qeyd edib.

O, əlavə edib ki, Kobaxidzenin ritorikası Gürcüstan dövlətinin gələcəyi üçün təhlükəlidir. Natsvlişvili vurğulayıb ki, Rusiya dezinformasiyası yayan siyasətçi Gürcüstanın baş naziri postunda qala bilməz.

Kobaxidze bildirib ki, onu mayın 23-də Fikonun taleyinin təkrarlanacağı ilə hədələyiblər. Siyasətçinin sözlərinə görə, Aİ komissarlarından birinin eyhamı Gürcüstanın “xarici agentlər haqqında" qanununun tənqidi fonunda gəlib:

"Avropa Komissiyasının üzvlərindən biri mənə zəng etmişdi. Həmin telefon söhbətində o, Slovakiyanın baş naziri Robert Fitsonun sui-qəsd faktını misal gətirərək, ehtiyatlı olmağı belə məsləhət gördü.. Son vaxtlar ölkə daxilində cəmiyyət əcnəbi siyasətçilərin açıq-aşkar təhdidlərə əl atdığının şahidi olur. Bu məlumatı xalqla bölüşmək mənim borcumdur. Robert Fitsonun güllələnməsindən sonra bizə qarşı yönələn təhdid dünyanın son dərəcə təhlükəli tendensiyalarla qarşılaşdığının bariz nümunəsidir. Əminəm ki, həmin qüvvələrin Gürcüstanla bağlı planı bu dəfə də iflasa uğrayacaq. Ölkəmiz mövcud sabitliyi qoruyub saxlaya biləcək və inkişafa doğru addımlamaqda davam edəcək".

Qərb ölkələri Gürcüstanda bir çox qeyri-hökumət təşkilatlarına təsir edəcəyi gözlənilən xarici təsirlərin şəffaflığı təşəbbüsünü fəal şəkildə tənqid edir. QHT-lər, xüsusilə ABŞ və Avropa tərəfindən maliyyələşdirilir. KİV-in məlumatına görə, qanun qüvvəyə minərsə, Gürcüstan Aİ-yə namizəd statusunu itirə bilər.

Samir