Faydaları saymaqla bitməyən ədviyyatlardan olan sarıkök orqanizmə müalicəvi, profilaktik və cavanlaşdırıcı təsir edir. 

Hit.az xəbər verir ki, sarıkökün əsas təsiredici komponenti olan “kurkumin” güclü antioksidant, iltihab, mikrob, virus və xərçəng əleyhinə təsirə malikdir.

Eyni zamanda, sarıkök ideal bədən ölçüsü arzulayan insanların dostudur.

Bilirik ki, artıq çəki bir çox xəstəliyə səbəb olur. Artıq çəki ilə  bağlı xəstəliklərdə sarıkök çayı istifadə olunur.

Sarıkök güclü iltihab məhv edən xüsusiyyətə malikdir. Bu səbəbdən dəridə olan sızanaqlara qarşı kremlərin hazırlanmasında ən çox istifadə edilən bitkidir.

Sarıkök diş ağartmada da istifadə edilir. Damaqlarda iltihabı, stomatit zamanı ağız boşluğunuzu sarıkökün dəmləməsi ilə yaxalayın. Bu, iltihabın azalmasına kömək edir.

Ancaq onu da nəzərə almaq lazımdır ki, iki yaşına qədər uşaqlara sarıkök vermək olmaz, 5 yaşına qədər uşaqlara isə ehtiyyatla vermək lazımdır. Hamilə və ya süd verən analar hərdən, çox az miqdarda sarıkökdən istifadə edə bilərlər.

Sevinc