Ukrayna hərbçilərinin təliminin Avropa İttifaqı (Aİ) ölkələrindən olan təlimatçılar tərəfindən Ukrayna ərazisinə keçirilməsi Qərb qoşunlarının ora göndərilməsi istiqamətində ilk addımdır. 

HİT.az xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto deyib.

O, Aİ-nin xarici işlər üzrə ali nümayəndəsi Cozep Borrellin Ukraynaya hazırlıq missiyası təklifini “son dərəcə təhlükəli” adlandırıb.

"Bu, yeni qırmızı xətti keçəcək bir təklifdir", deyə Macarıstan XİN rəhbəri bildirib

Siyartoya görə, bu qəbuledilməzdir və Macarıstan hakimiyyəti bütün mümkün vasitələrlə bunun qarşısını alacaq. Nazir xatırladıb ki, Aİ əvvəllər Ukrayna Silahlı Qüvvələrinə avropalı təlimatçılar tərəfindən Macarıstan ərazisində təlim keçmək üçün missiyaya başlayıb. O qeyd edib ki, Macarıstanın əsas narahatlığı hazırlıq missiyasının Ukrayna ərazisinə köçürülməsinin Ukraynaya hərbi personalın göndərilməsinin ilk addımı ola biləcəyidir.

Siyarto Avropa İttifaqının dondurulmuş Rusiya aktivlərindən əldə edilən gəlirlərin Macarıstandan yan keçərək Ukraynaya yönəldilməsi qərarını qırmızı xətlərin həyasızcasına pozulması adlandırıb:

"Bu gün elan olundu ki, Aİ Ukraynaya silah tədarükünü maliyyələşdirmək üçün Avropa Sülh Fondundan cəmi 1,4 milyard avro istifadə edəcək. Macarıstan bununla razılaşmasa da, Aİ qaydalarını tamamilə pozaraq, bundan Ukraynaya silah tədarükünü maliyyələşdirmək üçün istifadə edəcək".

Samir