Avropa İttifaqı Çinin “Temu” və “AliExpress” internet mağazalarından, eləcə də “Shein” geyim pərakəndə satış mağazasından alınan ucuz mallara rüsum tətbiq etmək planlarını hazırlayır. 

HİT.az "Financial Times"a istinadən xəbər verir ki, bu qərar Çindən Aİ-yə keyfiyyətsiz malların artımını dayandırmalıdır.

Nəşrin mənbələrinə görə, bu ay Avropa Komissiyası cari 150 avro həddini ləğv etməyi təklif edəcək, ondan aşağı olan malları rüsum ödəmədən almaq olar. Hazırda Aİ-nin mövcud qaydalarına görə, Aİ-yə daxil olmayan ölkələrdən onlayn alınan bağlamalar malların dəyəri 150 avrodan az olduqda, rüsum tutulmur.

Avropa Komissiyasının məlumatına görə, 2023-cü ildə Aİ-yə bəyan edilmiş dəyəri 150 avrodan aşağı olan 2,3 milyard mal idxal edilib. Eyni zamanda, Aİ ölkələrində təhlükəli yüklərin sayı 2022-ci ildən 2023-cü ilə qədər 50%-dən çox artaraq 3400 ədəddən çox olub. Kosmetika, oyuncaqlar, elektrik cihazları və geyimlər təhlükəsizlik baxımından ən çox narahatlıq doğuran məhsullar arasındadır.

Avropa İttifaqının oyuncaq sənayesi Çin pərakəndə satıcılarını Avropaya təhlükəli oyuncaqlar verməkdə ittiham edib. "Toy Industries of Europe" sənaye qrupu fevral ayında onlayn pərakəndə satış şirkəti "Temu"dan 19 oyuncaq aldığını və heç birinin Aİ standartlarına uyğun olmadığını aşkarladığını bildirib. Onlardan 18-i isə uşaqların təhlükəsizliyi üçün real təhlükə yaradır.

Onlayn pərakəndə satıcı "Temu" cavab verib ki, bu məhsulların 19-u artıq onların Aİ saytında mövcud deyil: "Məhsulun təhlükəsizliyi bizim əsas qayğımızdır və biz bu məhsul qrupuna və onunla əlaqədar tələblərə nəzarəti artırmışıq".

"AliExpress" qeyd edib ki, Aİ bazarında tələblərə verdiyinə əmin olmaq üçün qanunvericilərlə işləyir. 

Geyim pərakəndə satış şirkəti "Shein" gömrük rüsumlarının islahatı səylərini tam dəstəklədiyini bildirib.

Samir