Kreml Türkiyənin təklif etdiyi Ukrayna üzrə danışıqlar üçün dinc platforma yaratmaq istəyini yüksək qiymətləndirib. 

HİT.az xəbər verir ki, bu barədə Kremlin sözçüsü Dmitri Peskov brifinqdə bildirib.

O, Rusiya prezidenti Vladimir Putini münaqişənin həllində “siyasi və diplomatik səylərə üstünlük verilməsinin inamlı tərəfdarı” adlandırıb.

"Biz heç vaxt danışıqlardan imtina etməmişik. Hələlik belə bir platforma yoxdur, lakin biz ancaq razılaşa bilərik ki, belə bir platforma olsaydı, çox yaxşı olardı, deyə Peskov jurnalistlərə Türkiyə tərəfinin təklifini şərh etməyi xahiş edərkən deyib.

İyulun 6-da Türkiyənin xarici işlər naziri Hakan Fidan Türk Dövlətləri Təşkilatının Xarici İşlər Nazirləri Şurasının Azərbaycanda keçirilən iclasında bildirib ki, Ankara Ukrayna münaqişəsinin həlli üçün “sülh platforması”nın yaradılmasını zəruri hesab edir.

O, həmçinin Rusiya Federasiyası ilə Ukrayna arasında münaqişənin təsirinə məruz qalan bütün ölkələri vahid mövqedən çıxış etməyə çağırıb.

Samir