Yaponiyanın Baş naziri Fumio Kişida yevgenikanın qorunması qanunu çərçivəsində zorla sterilizasiya edilmiş yapon xalqından ilk dəfə üzr istəyib. 

HİT.az xəbər verir ki, Yaponiya baş nazirinin müraciəti NHK tərəfindən yayımlanıb.

Yaponiyada 48 ildir ki, zehni və ya əqli qüsurlu, eləcə də ciddi genetik xəstəlikləri olan insanların məcburi sterilizasiyasına icazə verən Yevgeniya qanunu mövcud olub. Təxminən 25 min insan əməliyyata məruz qalıb, əksəriyyəti - 16 min nəfər isə sterilizasiyaya razılıq verməyib.

“Hökumət adından buna görə səmimi qəlbdən üzr istəyirəm. Belə tədbirlər insan ləyaqətinin pozulmasıdır, olmamalı idi, bu insan hüquqlarının pozulmasıdır. Həm fiziki, həm də mənəvi cəhətdən çəkdiyiniz xeyli əzab və zəhməti xatırlayaraq başa düşürəm ki, bu problemin həllini gecikdirmək olmaz”, deyə Kişida bildirib.

Yaponiyanın baş naziri həmçinin bildirib ki, ölkənin Ali Məhkəməsi (bir sıra Yaponiya prefekturalarının məhkəmələrinin ardınca) yevgenikanı qoruyan qanunu konstitusiyaya zidd elan etdikdən sonra Yaponiya Nazirlər Kabineti məcburi sterilizasiya qurbanlarına 3,2 milyon yen məbləğində kompensasiya ödənilməsi haqqında qanunu təsdiqləyib. 

Samir