Böyük Britaniyanın keçmiş baş naziri Boris Conson ölkə hökumətini İsrailə bir sıra silahların tədarükü üçün lisenziyaları dayandırmaq qərarına görə tənqid edib. 

HİT.az xəbər verir ki, o, bu barədə X sosial şəbəkəsindəki səhifəsində yazıb.

Conson qeyd edib ki, London HƏMAS-la münaqişədə İsraili tək qoyur.

Sabiq baş nazir əlavə edib ki, İsrail 7 oktyabr 2023-cü il hadisələrinin təkrarlanmasının qarşısını almağa çalışır, HƏMAS isə girovları saxlamağa davam edir. O, Britaniya hakimiyyətindən yəhudi dövlətini tək qoymaq səbəbini soruşub.

"Onlar HƏMAS-ın qalib gəlməsini istəyirlər?", deyə Conson yazıb.

Bundan əvvəl Britaniya hakimiyyəti bəzi silah növlərinin beynəlxalq hüquq normalarını pozaraq istifadə oluna biləcəyindən narahat olduğu üçün İsrailə ixracını dayandırmaq qərarına gəlib. İxracın dayandırılması Qəzzada əməliyyatda istifadə olunan silah növlərinə təsir edəcək.

HƏMAS 2023-cü ilin oktyabrında İsrailə hücum edərək çoxlu mülki və hərbçiləri girov götürüb. Buna cavab olaraq Təl-Əviv Qəzza zolağında hərbi əməliyyata başlayıb. Fələstin anklavının sonradan dağıdılması, artan sayda məcburi köçkünlərlə birlikdə beynəlxalq ictimaiyyətin, xüsusən də İslam ölkələrinin qınağına səbəb olub. Eyni zamanda, İsrail HƏMAS-ın tamamilə məhv edilməsini müdafiə edərək, öz hərəkətlərini dayandırmaq niyyətində deyil.

Samir