ABŞ Hərbi Dəniz Qüvvələri gəmi və şəxsi heyət çatışmazlığı səbəbindən döyüş gücünü itirir. 

HİT.az xəbər verir ki, bunu Corc H.V. Buşun (1981-1993) administrasiyası zamanı ABŞ müdafiə nazirinin keçmiş köməkçisi olmuş Set Kropsi "Wall Street Journal" üçün yazdığı məqaləsində bildirib.

Kropsi deyib ki, ABŞ Hərbi Dəniz Qüvvələri 2022-ci ildən bəri dənizə yararlı olmayan 10 "Ticonderoga" sinifli kreyserini təqaüdə çıxarıb və 2027-ci ilə qədər daha 12 kreyser təqaüdə çıxmağı planlaşdırır. Ekspert qeyd edir ki, bu sinif kreyserləri ABŞ Hərbi Dəniz Qüvvələrini hava hücumundan müdafiə ilə təmin etmək üçün əsasdır. Onların istismardan çıxarılması Hərbi Dəniz Qüvvələrinin yerləşdirilmiş raket buraxılış qurğularının sayını azaldacaq və bununla da esmines donanmasının üzərinə daha böyük yük düşəcək.

Kropsi qeyd edib ki, gəmiləri itirməklə Hərbi Dəniz Donanması Amerikanın Avrasiyadakı siyasətini təhdid edən kritik döyüş gücünün elementləri olmadan qalır.

Digər problem, məqalə müəllifinin fikrincə, kadr çatışmazlığıdır. 2023-cü ildə Hərbi Dəniz Qüvvələri maksimum əsgərlik yaşını 41-ə qaldırdıqdan və əqli bacarıq və fitness standartlarını aşağı saldıqdan sonra belə, lazımi sayda personalı işə götürə bilməyib.

Samir