Sakit okean ada dövlətləri Vanuatu, Fici və Samoa Beynəlxalq Cinayət Məhkəməsindən ətraf mühitin məhv edilməsini (ekosid) soyqırım və digər müharibə cinayətləri ilə yanaşı cinayət kimi təsnif etməyi xahiş ediblər. 

HİT.az xəbər verir ki, bu barədə "The Guardian" yazır.

Vanuatu, Fici və Samoa ekosidi “hərəkətlərin ətraf mühitə ciddi və ya geniş yayılmış və ya uzunmüddətli ziyan vurması ehtimalının əhəmiyyətli olduğunu bilə-bilə törədilmiş qeyri-qanuni və ya mənasız hərəkətlər” kimi təyin etməyi təklif edir.

Təklif sentyabrın 9-da Nyu-Yorkda BCM-ə təqdim edilib. Qəzet yazır ki, təşəbbüslə bağlı tam müzakirələrin aparılması çox güman ki, bir neçə il çəkəcək və şiddətli müqavimətlə üzləşəcək bir prosesdir, baxmayaraq ki, əksər ölkələr buna açıq etiraz etməkdən çəkinəcəkləri üçün bunun çox hissəsi pərdə arxasında olacaq.

Vanuatu, Fici və Samoa ekosistemi cinayət hesab etməyə çalışmaqla iqlim dəyişikliyinə və ətraf mühitin məhvinə təsir etmək istəyirlər. Onların təklifi təsdiq olunarsa, bu, ətraf mühitin məhvinə görə məsuliyyət daşıyanları, məsələn, çirkləndirici iri şirkətlərin rəhbərlərini və ya dövlət başçılarını məsuliyyətə cəlb etməyə imkan verəcək.

Tanınmış beynəlxalq hüquqşünas və London Universitet Kollecinin hüquq professoru Filip Sands Ekosidləri Durdur Fondu tərəfindən çağırılan ekosidlərin hüquqi tərifi üzrə müstəqil ekspertlər qrupuna həmsədrlik edib. O, "The Guardian"a bildirib ki, ekosidinin məhkəmədə tanınacağına "100% əmindir".

Samir