Münhen şəhərinin meri və Almaniya Sosial Demokrat Partiyasının üzvü Diter Rayter siyasi assosiasiyadan kansler postuna Olaf Şoltsun yox, hazırkı müdafiə naziri Boris Pistoriusun namizədliyini irəli sürməyi təklif edib. 

HİT.az xəbər verir ki, bu barədə “Bild” yazıb.

“Əlbəttə, Almaniyanın ən populyar siyasətçisi Boris Pistorius SPD-dən kanslerliyə mümkün namizəddir. Əgər onun bu qədər yaxşı reputasiyası varsa, SPD onun kansler üçün ən yaxşı seçim olub-olmayacağını düşünməlidir", deyə Reyter bildirib.

Onun sözlərinə görə, Pistorius seçicilərə müraciət edir, ona görə ki, o, qərarlarını aydın şəkildə izah edir və hər zaman öz fikrini deyir.

Eyni zamanda Reyter qeyd edib ki, kansler postuna kimin namizəd olacağı məsələsini Olaf Şolts həll etməlidir və bu məsələdə təşəbbüs ondan gələcək.

Bundan əvvəl ZDF telekanalının “Politbarometer” sorğusu göstərib ki, sorğuda iştirak edən almanların əksəriyyəti Almaniyanın hazırkı kansleri Olaf Şoltsun güclü lider keyfiyyətlərinə malik olmadığı qənaətindədir. Araşdırmaya görə, respondentlərin 77%-i Şoltsun ​​zəif lider olduğuna inanır. Respondentlərin 17%-i əks fikiri ifadə edib, daha 6%-i cavab verməkdə çətinlik çəkib.

Şolts özü aşağı reytinqlərə baxmayaraq, yenidən ölkənin baş naziri postuna namizəd olmaq niyyətini açıqlayıb. O xatırladıb ki, 2021-ci ildə seçkilərə gedəndə Almaniyada da vəziyyət heç də çətin deyildi. Şolts kansler olmağı sevdiyini də deyib.

Samir