Pentaqonun sərəncamında kifayət qədər silah və hərbi texnika ehtiyatı olmadığı üçün Amerikanın Ukraynaya yardım göstərməsi çətindir. 

HİT.az xəbər verir ki, bu barədə CNN telekanalı mənbələrə istinadən məlumat yayıb.

"Son aylarda ABŞ-ın Ukraynaya hərbi yardımının həcmi azalıb, çünki Pentaqonun öz ehtiyatlarından Kiyevə göndərməyə hazır olduğu silah və texnika ehtiyatları azalıb", deyə telekanal qeud edib.

Qeyd olunur ki, ABŞ prezidenti Co Bayden administrasiyasının Ukraynaya kömək üçün hələ də 6 milyard dolları var, lakin Pentaqonun Kiyevə təqdim etməyə hazır olduğu maddi resurslar çatışmır.

Bundan əvvəl Amerikanın "Associated Press" nəşri yazmışdı ki, ABŞ Konqresi Pentaqonun öz ölkəsindən silah göndərmək səlahiyyətlərini genişləndirməyə qərar verməsə, sentyabrın sonunda Birləşmiş Ştatlar Kiyevə 5,8 milyard dollar məbləğində yardımı tez bir zamanda köçürmək imkanını itirə bilər. 

Qeyd edildi ki, Bayden administrasiyası Konqresdən Pentaqonun maliyyələşdirmə səlahiyyətini qanunvericilərin 30 sentyabrda maliyyə ilinin sonuna qədər qəbul edə biləcəyi hər hansı davam edən qətnaməyə daxil etməyi xahiş edib.

ABŞ Konqresindəki Respublikaçılar və Demokratların nümayəndələri sentyabrın 30-dək yeni büdcə layihəsi ilə bağlı razılığa gəlməlidirlər, əks halda federal hökumət oktyabrın əvvəlində işi dayandıra bilər.

Samir