Avropa İttifaqı NATO-nu təkrarlayaraq öz hərbi strukturlarını yaratmamalıdır. Bu, yalnız onsuz da qıt olan resursları mənimsəyəcək.
HİT.az "Financial Times"a istinadən xəbər verir ki, belə bir xəbərdarlıqla yaxın günlərdə vəzifəsini tərk edəcək NATO-nun baş katibi Yens Stoltenberq çıxış edib.
"Mən Aİ-nin əlavə müdafiə səylərini NATO ilə təkrarlanmayan və ya rəqabət aparmayan şəkildə həyata keçirdikləri müddətdə alqışlayıram. Aİ-nin etməməli olduğu şey, cavab qüvvələri kimi alternativ müdafiə strukturları yaratmağa başlamaqdır", deyə Stoltenberq Aİ-nin 5000 nəfərlik bir korpus yaratmaq ideyasını şərh edib.
Stoltenberq NATO-da oxşar qüvvələr olduğu halda, Aİ-nin niyə öz sürətli cavab qüvvələrinə pul xərcləməsi ilə bağlı çaşqınlıq ifadə edib.
Müdafiə alyansının adını açıqlamayan nümayəndəsi “Financial Times” qəzetinə bildirib ki, faktiki olaraq Aİ artıq hərbi resursları NATO-nun mövcud strukturlarından yayındırmağa başlayıb.
"Avropa hücuma məruz qalsa, insanlar ona cavab vermək üçün kimin məsuliyyət daşıdığını dərhal bilməlidirlər. Rəqabətli strukturlar qeyri-müəyyənlik yaradır, bu, yalnız düşmənə kömək edir", deyə rəsmi bildirib.
Xüsusilə, NATO blokun hərbi missiyalarına nəzarət edən Aİ-nin Hərbi Qərargahının təklif olunan genişləndirilməsindən narahatdır. Rəsmilərin dediyinə görə, plan hərbi münaqişə vəziyyətində kritik komandanlıq zəncirini çətinləşdirə və resursları NATO-nun onsuz da kifayət qədər kadr olmayan, generallardan məhrum olan komanda strukturundan yayındıra bilər.
“Biri normal fəaliyyət göstərə bilirsə, niyə tam heyəti olmayan iki komanda olsun”, dey adının açıqlanmasını istəməyən məmur bildirib.
NATO rəsmiləri həmçinin Aİ-nin onilliklər ərzində mövcud olan NATO siyahılarından istifadə etmək əvəzinə, tədarükləri sadələşdirmək və qarşılıqlı əlaqəni yaxşılaşdırmaq məqsədilə Aİ orduları üçün öz hərbi standartların siyahısını yaratmaq ambisiyalarından qəzəblənirlər.
"Ölkələr yalnız bir hədəf təyin etmə qabiliyyətinə malik ola bilər, ikisi ola bilməz. Bu, NATO-nun məsuliyyətidir. Bir sıra standartlar, bir hədəfləmə imkanları, bir komanda strukturu. Bu da NATO-dur", deyə Stoltenberq bildirib.
Samir
