Seçkilər ərəfəsində Avstriya dilemma ilə üzləşib: Rusiya qazından asılılığı saxlamaq və ya enerji keçidini sürətləndirmək. 

HİT.az xəbər verir ki, bu barədə “Reuters” yazıb.

Bu problem ölkədəki iqtisadi tənəzzüllə daha da dərinləşir. Sorğular göstərir ki, Rusiyaya rəğbət bəsləyən radikal sağçı Azadlıq Partiyası (FPO) cüzi üstünlük təşkil edir. Lakin heç bir partiya mütləq səs çoxluğu əldə etməyəcək.

Avstriya İqtisadi Tədqiqatlar İnstitutunun baş iqtisadçısı Stefan Şkiemann-Vukan deyib: "Başqa ölkələr Avstriyanın hələ də belə böyük həcmdə Rusiya qazını istehlak etməsindən narazıdırlar".

İyul ayında Avstriyanın qaz idxalının 83%-i hələ də Rusiyadan gəlirdi, Aİ-nin orta göstəricisi isə 2023-cü ildə 15%-ə düşüb.

Mərkəzi Bank bu il iqtisadiyyatın 0,7% azalacağını proqnozlaşdırır ki, bu da tənəzzülün ikinci ilidir. Yüksək inflyasiya və enerji xərcləri Avstriya sənayesinin rəqabət qabiliyyətini azaldır.

Samir