ABŞ-dan olan bir qrup tədqiqatçı belə qənaətə gəliblər ki, münasibətlərdə xəyanət xroniki sağlamlıq problemlərinə səbəb ola bilər.

HİT.az bu barədə "Inside Edition"a istinadən xəbər verir.

"Journal of Social and Personal Relationships" jurnalında dərc olunmuş son araşdırma monoqam münasibətlərdə xəyanətin təkcə emosional sıxıntıya deyil, həm də ciddi uzunmüddətli sağlamlıq problemlərinə səbəb ola biləcəyini təsdiqləyir.

Tədqiqatçılar 33-84 yaş arası 2500-dən çox iştirakçının sağlamlıq, demoqrafik xüsusiyyətlər və əlaqələrdən məmnunluq səviyyələri daxil olmaqla məlumatları təhlil ediblər. Onlardan xəyanət halları barədə soruşdular, həmçinin doqquz il ərzində sağlamlıq durumlarını izləyiblər.

Nəticələr göstərib ki, ürək xəstəlikləri, miqren və artrit kimi xroniki xəstəliklərin yüksək nisbətləri ilə vəfasızlıq yaşayan insanlar arasında birbaşa əlaqə var.

Tədqiqatçılar həmçinin dostlar və ailənin köməyi kimi sosial dəstəyin xroniki xəstəlik riskini azalda bilib-bilmədiyini araşdırıblar. Nəticələr göstərib ki, bu, psixo-emosional vəziyyətə müsbət təsir göstərə bilər, lakin sağlamlıq problemlərinin qarşısını almaq iqtidarında deyil.

"Tərəfdaşın xəyanəti xroniki sağlamlıq üçün uzunmüddətli nəticələrə səbəb ola bilər ki, bu da xüsusilə həssas əhaliyə aiddir", deyə tədqiqat müəllifləri qeyd edib.

Mütəxəssislərin fikrincə, evli cütlüklərin 18-20 faizi münasibətləri zamanı xəyanətlə üzləşir və onların yarıdan çoxu münaqişəni həll etməyə çalışır.

Samir