Ukraynada hərbi əməliyyatlara Rusiya tərəfində qatılan Şimali Koreya əsgərləri ilk dəfə olaraq məhdudiyyətsiz internetə çıxış əldə ediblər. Bildirilir ki, onlar pornoqrafik materiallara baxmaq üçün fəal şəkildə istifadə edirlər. 

HİT.az xəbər verir ki, bu barədə “New York Post” (NYP) “Financial Times”ın müxbiri Gideon Rəhmanın X (Twitter) sosial şəbəkəsində yazdığı mesaja istinadən məlumat yayıb.

“Ümumiyyətlə, etibarlı mənbə mənə deyir ki, Rusiyada yerləşən Şimali Koreya əsgərlərinin əvvəllər heç vaxt internetə məhdudiyyətsiz çıxışı olmayıb. Nəticə etibarı ilə bunu qəbul etdikdən sonra onlar pornoqrafiyadan istifadə etməyə başladılar”, deyə Rəhman yazıb.

NYP-yə danışan ABŞ Müdafiə Nazirliyinin sözçüsü Çarlz Dits Şimali Koreyanın Rusiya hərbi əməliyyatlarında iştirakının daha ciddi aspektlərinə diqqət çəkərək bu məlumatı təsdiq edə bilməyib.

"Bu, nə qədər əyləncəli səslənsə də, mən təsdiq edə bilmərəm ki, Şimali Koreyalıların Rusiyada internet vərdişləri və ya virtual "dərsdənkənar fəaliyyətləri" var", deyə Dits bildirib.

NYP həmçinin qeyd edir ki, internetə çıxışın psixoloji və mədəni cəhətdən qorunan Şimali Koreya hərbçilərinə təsiri hələlik məlum deyil.

Samir