Rusiya prezidenti Vladimir Putin Rusiyanın yeni silahlarını hərbi təlimdə canlı efir vasitəsi ilə dünyaya təqdim edib.
10-dan çox hərbi gəmi və minlərlə əsgərin iştirak etdiyi hərbi təlim dünya mətbuatında geniş yer alıb. Sankt-Peterburqdakı təlimdə 46 döyüş gəmisi və 4 min əsgər iştirak edib. Rusiyanın Avropa torpaqları olan Kalininqradın, Baltiysk şəhərinin dəniz hissəsində, Aleksin sualtı qayıq gəmisi ardıcıl raketlər atıb.
Putinin verdiyi məlumata görə, nüvə sualtı dronları da Rusiya Hərbi Dəniz Qüvvələrinin xidmətinə veriləcək. Yeni nüvə silahlarının bənzərsiz olduğunu bildirən Putin, sözügedən silahlarla dünaynın hər yerini vura biləcəyinin açıqlayıb.
Putin eyni zamanda Rusiyanın ən yaxşı döyüş gəmiləri, sualtı qayıqlarını özündə cəmləşdirən təlimdə Rusiya dəniz qüvvələrinin böyüməyə davam edəcəyini və bu ilin sonun kimi daha 40 gəminin Dəniz qüvvələrinə daxil olacağını bildirib.
