Parisdəki Sorbon Nord Universitetinin alimləri müəyyən qida emulqatorlarının istehlakı ilə 2-ci tip diabetin inkişaf riskinin artması arasında əlaqə olduğunu müəyyən ediblər.

Hit.az xəbər verir ki, nəticələr "The Lancet Diabetes & Endocrinology" jurnalında dərc olunub.

Araşdırmada orta yaş həddi 43 olan 100 mindən çox könüllü iştirak edib. Subyektlərin əksəriyyəti (79%) qadınlardır. Birinci mərhələdə iştirakçılar alimlərə istehlak etdikləri bütün qida və içkilərin iki günlük qeydlərini təqdim ediblər. Növbəti 14 il ərzində könüllülər hər altı aydan bir öz pəhriz məlumatlarını yeniləyib. Müşahidə dövründə 1056 nəfərdə şəkərli diabet aşkarlanıb.

Alimlər müəyyən ediblər ki, çoxlu emulqator qəbul edən insanlarda bu xəstəliyə daha çox rast gəlinir. Emulqatorlar qida məhsullarında cəlbedici və vahid tekstura yaratmaq üçün müxtəlif maddələrin qarışdırılmasına imkan verən maddələrdir. Onlar dondurma, çörək və şokolad istehsalında geniş istifadə olunur.

Tədqiqatçılar aydınlaşdırıb ki, karagenanlar (və qatılaşdırıcı E407) gündə 100 mq dozanın artırılması ilə diabet inkişaf riskini 3% artırır, gündə 500 mq ilə üçpotasium fosfat (E340), mono və diasetiltartar turşusu efirləri ilə 15% artırır.

Samir