Əgər uzun müddət yuxuya gedə bilmirsinizsə, yatmazdan əvvəl qadcetlərdən istifadəni dayandırmalı, işığın parlaqlığını azaltmalı, ilıq duş qəbul etməli və meditasiyaya cəhd etməlisiniz.

HİT.az xəbər verir ki, bu barədə "RİA Novosti"yə nevroloq Vladimir Martınov məlumat verib.

Onun sözlərinə görə, sağlamlığı qorumaq üçün yuxu gigiyenasına riayət etmək lazımdır. Mütəxəssis sizi gündəlik rejimə sadiq qalmağa və hətta həftə sonları belə eyni vaxtda yatıb oyanmağa öyrəşməyə çağırıb.

Nevroloq izah edib ki, insan yatarkən beyin "metabolik tullantılar"dan təmizlənir. O, bu prosesi təmizləmə ilə müqayisə edib, bu, yaxşı bir gecə yuxusundan sonra oyaq olduğunuz müddətdə diqqətinizi cəmləşdirməyə və yaradıcı olmağa kömək edir.

"Sağlam yuxu qurmasanız, bu ciddi nəticələrə səsəb ola bilər. Xroniki yuxu çatışmazlığı konsentrasiya, artan yorğunluq və zəif toxunulmazlıq problemlərinə səbəb ola bilər", deyə mütəxəssis xəbərdarlıq edib. 

Samir