Sürix Universitetinin alimləri müəyyən ediblər ki, bir qram omeqa-3 yağ turşusu qəbul etmək orqanizmin bioloji qocalmasını ləngidə bilər. 

HİT.az xəbər verir ki, araşdırmanın nəticələri "Nature Aging" jurnalında dərc olunub.

Tədqiqatda yaşı 70-dən yuxarı olan 777 nəfər iştirak edib. Onlar bir neçə qrupa bölünüblər. Üç il ərzində birinci qrup gündə 2000 beynəlxalq vahid (IU) vitamin D, ikinci qrup gündə bir qram omeqa-3 qəbul edib, üçüncü qrup isə üç dəfə 30 dəqiqəlik evdə məşq proqramı həyata keçirib. 

Dördüncü qrupdan hər iki növ əlavəni fiziki fəaliyyət olmadan qəbul etmələri, beşinci qrupdan idmanı omeqa-3 qəbulu ilə birləşdirməsi, altıncı qrupdan isə məşq etmələri və gündəlik D vitamini qəbul etmələri istənilib. Tədqiqata nəzarət qrupunun məlumatları da daxil edilib.

İştirakçıları izlədikdən sonra alimlər müəyyən ediblər ki, orta dərəcədə omeqa-3 istehlakı dörd aya qədər bir neçə epigenetik saata görə bioloji qocalmanı yavaşladır. Epigenetik saat bir toxuma, hüceyrə və ya orqanın bioloji yaşını təyin etməyə imkan verən xüsusi DNT "markerləri" toplusudur.

Omeqa-3 D vitamini və idmanın birləşməsi bioloji qocalmanı yavaşlatmaq üçün daha təsirli bir üsul olduğunu sübut edib. Üstəlik, bu təsir cinsindən, yaşından və ya bədən kütləsi indeksindən asılı olmayaraq iştirakçılarda ifadə edilib.

Samir