Massaçusets Ümumi Xəstəxanası və Harvard Tibb Məktəbinin alimləri müəyyən ediblər ki, gündə bir portağal yemək depressiya riskini 20% azalda bilər. 

HİT.az xəbər verir ki, tədqiqatın nəticələri "Microbiome" jurnalında dərc olunub.

Tədqiqatçılar əvvəllər "Nurses' Health Study II" (NHS2) tədqiqatında iştirak etmiş 100 000 qadının məlumatlarından istifadə ediblər. Bu böyük, çoxillik layihənin məqsədi həyat tərzi, pəhriz və müəyyən dərmanların istifadəsi və müxtəlif sağlamlıq şəraitinin inkişaf riski arasındakı əlaqələri təhlil etməkdir.

Yeni araşdırmada tədqiqatçılar sitrus meyvələrinin istehlakına diqqət yetiriblər. Onlar aşkar ediblər ki, gündə bir orta portağal yeyən qadın tibb işçilərinin depressiyaya düşmə ehtimalı 20% azdır. Ancaq alma və banan kimi digər meyvələr oxşar qoruyucu təsirə malik deyil.

Bununla belə, alimlər vurğulayıblar ki, sitrus meyvələrinin faydalı xüsusiyyətlərini ənənəvi antidepresanların, məsələn, selektiv serotoninin geri alınması inhibitorlarının effektivliyi ilə müqayisə etmək olmaz. Sağlam qidalanma depressiyanın inkişaf riskini azaldır, lakin onun müalicəsi düzgün dərmanlar tələb edir.

Samir