Helsinki Universitet Xəstəxanasının (Finlandiya) alimləri müəyyən ediblər ki, gənc qadınlarda (49 yaşdan aşağı) xroniki stress tez-tez insult yaradır. 

HİT.az xəbər verir ki, araşdırmanın nəticələri "Neurology" jurnalında dərc olunub.

Tədqiqata naməlum səbəbdən işemik insult keçirmiş 18-49 yaş arası 426 yetkin kişi və qadın daxildir. Alimlər hər bir iştirakçının xəstəlik tarixçəsini təhlil etdilər və xüsusi sorğu vərəqindən istifadə edərək onların stress səviyyələrini qiymətləndirdilər. 

Kəskin stressi xroniki stressdən ayırmaq üçün bir ay ərzində könüllülərin psixoloji vəziyyəti müşahidə edilib. Bundan əlavə, tədqiqata sağlam iştirakçıların bir alt qrupu daxil edilib.

Nəticələr göstərib ki, insult keçirmiş qadınların ən azı orta səviyyədə stressə məruz qalma ehtimalı daha yüksəkdir. Bu təhlükəli damar hadisəsindən sağ çıxan qadın könüllülərin 46 faizi orta və ya yüksək səviyyədə stress keçirib. Ürək-damar xəstəlikləri olmayan alt qrupda insanların yalnız 33%-də xroniki sinir gərginliyi aşkar edilib.

Tədqiqatçılar təhsil səviyyəsi, alkoqol istehlakı və qan təzyiqi kimi çaşdırıcı faktorları nəzərə aldıqdan sonra müəyyən ediblər ki, qadınlarda orta səviyyəli stress insult riskini 78% artırır, ağır stress isə 6% risklə əlaqələndirilir. Bununla belə, psixo-emosional stress kişilərdə insult ehtimalına təsir etməyib.

Samir